lunes, 11 de diciembre de 2017

Incipimus gradum A2

Tempus est incipiendi gradum A2, et initio locuturi sumus de otio inter Romanos et Tempus Praesens Indicativi recensebimus.

Primum legimus et enodamus textum de convivio:



Et deinde facimus exercitium sequens de die typico Romano:



Nunc legimus alterum textum de convivio Romano:



Et continuo exercitium vocabulorum facimus:




Praesertim ex hoc tempore Temporis Praesentis exercitia facimus:








































Continuo exercitium scripturae facimus. In hoc exercitio discipuli delineamenta inordinata habent. In ordinem ea ponere et ceteris condiscipulis explanare debent.



Et pergimus Tempus Praesens exercere:




Nunc exercitium vocabulorum exercemus:




Et pergimus Tempus Praesens Indicativi exercere:











Proxima septimana videbimus quomodo exercere Tempus Praesens Indicativi ludendo possimus. Loquamur de nonnullis ludis ut "verba mergere" et "plausus verbales". Usque ad septimanam proximam!!

domingo, 19 de noviembre de 2017

I Provocatio #InstagramLULE

Hac septimana I provocationem #InstagramLULE iacimus. Quoque die cuiusque mensis huius cursus vocabulum habebimus quo discipulis magna provocatio consequenda erit. Tantunmmodo discipulus/a imaginem et sententiam cum vocabulo diei divulgare debebit. Vinciet discipulus vel discipula quae plures imagines cum sententiis divulget et plura emblemata consequatur. Hic vobis relinquo provocationis praeconem et vocabula mensis decembris. Omnia de provocatione in hac pagina invenietis: https://provocatioinstagramlule.blogspot.com.es



lunes, 13 de noviembre de 2017

Claudius et amīcī

Salvi iterum sitis!! Imperativo ad finem gradus A1 pervenimus. Per decem lectiones discipuli multa viderunt et didicerunt:

Litterae latinae et pronuntiatio.
Pronuntiatio restituta.
Praesens verbi esse.
Numeri ab 1 ad 101.
Demonstrativi: hic, haec, hoc.
Nominativus singularis et pluralis
Interrogativi: quōmodo, unde, quot?
Adiectiva terrae (gentilicia).
Nomina terrarum.
Officia, munera.
Linguae.
Praesentes quattuor coniugationum.
Genus et numerus in nominibus et adiectivis.
Interrogativi: Ubi, quid, quis?
Praepositiones accusativi et ablativi.
Res scholae, tablini et personales.
Colores.
Vocabula quae pertinent ad ductum.
Domus Romana.
Adiectiva.
Adiectiva et pronomina possessiva.
Verba esse, habēre, portāre y induere.
Accusativus singularis et pluralis.
Genetivus singularis et pluralis.
Familia.
Vestimenta.
Figura corporis.
Adiectiva comparativa aequalitatis, superioris condicionis et inferioris condicionis.
Adiectiva comparativa inaequales.
Verba necesse esse, velle, nōlle, mālle + infinitivus.
Praepositiones verbis ductus.
Ablativus singularis et pluralis.
Vecturae.
Aedificia maximi momenti civitatis Romanae.
Praesens indicativi.
Verba passiva.
Adverbia et enuntiationes crebritatis.
Acta cotidiana et otii.
Partes diei.
Menses anni.
Dies septimanae.
Verba placēre, amāre, dēlectāre.
Verbum dolēre.
Pronomina obiecti directi.
Adverbia quoque, etiam.
Dativus singularis et pluralis.
Otium et tempus liberum.
Cibi et alimonia.
Partes corporis.
Verbum pergere + infinitivus.
Verba caeli status: pluere, ningere.
Pronomina obiecti obliqui.
Pronomina et adiectiva indefinita: aliquis, nemo, ūllus, nūllus, nōnnūllus.
Pronomina et adiectiva demonstrativa.
Pronomina interrogativa.
Numeri cardinales a 101 ad 1000. Gerundium: ad + -ndum
Caeli status.
Regiones caeli.
Tempora anni.
Empta. Tabernae.
īre + supinum
Putāre + infinitivus
Mālle + infinitivus
Posse + infinitivus
Dēbēre + infinitivus
Gerundivum
Negatio: numquam, nōn umquam; quid dīcis!; bene, bene, nōn...; nōn... neque... neque; minimē!
Sententiam exprimere: mihi vidētur, mihi; credō...
Sermonis iuncturae: prīmum, ex alterā parte, postrēmō, tandem, cēterum, praetereā, sed, tamen...
Cūr / quia
Opera otii et temporis liberi. Itinera.
Praeteritum Perfectum.
Adverbia temporalia: hodiē, hodiē māne, hodiē vesperī, hōc mēnse, hōc annō, aliquandō, numquam, iam, adhūc, nōndum.
Revisio pronominum indefinitorum.
Vocabula quae pertinent ad modum vitae Romanorum.
Imperativus: regulares et inaequales.
Imperativus + pronomina. Adverbia affirmationis: ita, sānē; ita, profectō; ita, scilicet; plānē.

Et nihil melius est quam lectio ad gradum acommodata ut discipuli ea quae in scholis viderunt recensere possint. Ob eam rem, animum meum accendi ut fabulam scriberem qua discipuli lectione frui possent. Ea lectione, cui titulus est "Claudius et amici", tota grammatica in scholis visa continetur. Milia vocabula circiter apparent quae discipuli optime sciunt. Hoc lexicon discipulis lectione fluenti frui permittunt et  magnam possibilitatem libri diligenter evolvendi habebunt sine necessitate dictionarii saepissime consulendi:




Ex hoc tempore gradum A2 incipimus. Recensione temporis Praesenti Indicativi incipiemus. Sed hoc proxima septimana erit. In posterum!

domingo, 29 de octubre de 2017

Imperātīvum discimus!

Salvete! Hac septimana iterum adsumus! Hac hebdomade locuti sumus de imperativo, hoc modo, id quod primum fecimus haec delineamenta conspicere fuit et ea coniungere cum sententiis:





Illico eis explano quomodo imperativus struatur.


Et nunc eis exercitia facienda sunt:



Tum ludo "Paulus dicit" ludimus. In hoc ludo unus ex participibus "Paulus" apellatus est, id est, est qui acta moderatur. Alii id quod Paulus dicit agere debent. Si Paulus dicit "salite", lusores salire debent aut e ludo eiciuntur. Si Paulus tantum dicit "Salite" salire non debent aut aeque e ludo eiciuntur. Re vera est animus mandatorum id quod interest, non acta. Ultimus particeps qui manet in ludo vincit. Tunc est tempus exercendi imperativum nonnullis exercitiis:

Primum videmus textum in quo invenire et scribere imperativos debent:


Et deinde ex his imperativis scribere infinitivos debent: Exemplum: cena = cenare
Ceterum tabula insequens complenda est:




Aliud exercitium: Iungere imperativum cum infinitivo:





















Et demum faciunt exercitium vocabulorum, quod vulgo "sopa de letras" vocatur: Et haec omnia sunt, amici!! Hebdomade proxima plura et meliora. Valete!

domingo, 22 de octubre de 2017

Exercitia temporis Praeteritī Perfectī

Salvi sitis!! Tempus Praeteritum Perfectum in lingua Latina actiones praeteritas narrat et describit. Hic vobis relinquo nonnulla exercitia Praeteriti Perfecti:
 


















EXERCITIA SOLUTA:

1. Saltāre => saltatus; cēnāre=> cenatus; bibere => bibitus; amāre => amatus; vīvere => victus; exīre => exitus; spectāre => spectatus; scrībere => scriptus; legere => lectus; edere => esus; īre => itus; gubernāre => gubernatus; loquī => locutus; audīre => auditus; scīre => scitus; crēdere => creditus; proficīscī => profectus; venīre => ventus.

2. Rumpere-ruptus; Vidēre-vīsus; Dīcere-dictus; Facere-factus; Pōnere-positus; Aperīre-apertus; Redīre-reditus; Invenīre-inventus; Scrībere-scrīptus; Morī-mortus; Solvere-solūtus; Operīre-opertus.

3. 1. coxit; 2. venit; 3. edimus; 4. potui; 5. scripsisti; 6. habuimus; 7. legi; 8. Vidisti; 9. laboraverunt; 10. locuti sumus.

4. 1. cenavi; 2. edi; 3. surrexi; 4. iit/ivit; 5. exercuimus; 6. audiverunt; 7. rediit/redivit; 8. fuit; 9. scripsisti; 10. dixistis.

5. 1. Locuta est Iulia cum eo?; 2. Vidisti tu exercitus ducem?; 3. Fuistis vos in foro?; 4. Aperuit is ianuam?; 5. Scripserunt ii epistulam?; 6. Iisti/ivisti tu in theatrum?; 7. Dixerunt eae ullam rem?; 8. Explanavit nuntius nuntium?; 9. Posuit Iulius baculum in mensa?; 10. Legistis vos acta diurna hodie?

6. 1. surrexi; 2. it; 3. vidi; 4. solvit; 5. transit; 6. studui; 7. finii/finivi; 8. consisto; 9. emistis; 10. habetis.

7. 1. surrexi, dormivi; 2. venit; 3. exii/exivi; 4. vidit; 5. fuit, fuit; 6. lusi; 7. edit.

martes, 10 de octubre de 2017

Quid herī ēgimus?

Salvete!! Post quietem meritam ad scholas Latinas redimus. Et incipimus novum tempus laborantes, Praeteritum Perfectum, et ad hoc lectionis et attentionis exercitium facimus:




Et tabulam complemus ut discant quomodo Praeteritum Perfectum exstruatur.


Et explanamus participium ut Praeteritum Perfectum passivum exstruere possint. Continuo spectamus nonnulla participia utilissima in lingua Latina:





Ex eo tempore discipuli exercitia varia artis scribendi facere possunt. Ecce nonnulla exempla:

1. Cogita de quattuor rebus quae cotidie agis, sed hodie non egisti et ea scribe. Exemplum: Cotidie sexta hora edo, sed hodie septima hora edi.

2. Quin vides omnia quae hac septimana fecisti et ea in espitula amico tuo narras? Exemplum: Hac septimana multa feci, Lunae die ut semper in ludum ii...

3. Condiscipulo tuo narra qualis dies fuerit, id quod fecistis et quod nondum fecistis sed facere debes. Exemplum: Hodie dies iucundus fuit, in ludum ii sed exercitia corporis nondum feci...




Scribe tres res quas semper agere somniavisti et iam egisti et alias res quas nondum agere potuisti. Deinde, condiscipulo tuo eas narra et scribe responsa eius:

Iam Vesuvium ascendi, sed nondum Romam visitavi.

Nunc transimus ad exercitium loquendi, colloquium incipimus in scholis:

Nunc cogita de eo quod hunc mensem egisti et responde; aliquando, numquam, adhuc, nōndum… uti debes.

1. Lēgistīne ūllum librum?
2. Ēmistīne aliquid ad domum?
3. Fēcistīne ūllum iter?
4. Vīdistīne ūllam fābulam?
5. Cōgnōvistīne aliquem idoneum?
6. Dīxistīne ūllum mendācium?
7. Ēgistīne aliquid ingeniōsum?
8. Inebriāvistīne?
9. Fuistīne aliquō īrātus?
10. Scrīpsistīne ūllam epistulam?

Et postremo exercitium lectionis facimus:





Et legimus Pygmalionis fabulam:



Et haec sunt omnia hac hebdomade. Proxima septimana magis magisque...

domingo, 14 de mayo de 2017

Necessitās, suggerere et monēre

Salvete, collegae!! Latinitatem discere pergimus. Hac occasione quomodo necessitatem exprimere et suggerere atque monere possimus discimus.



Et nunc discipuli, id quod Aemilius facturus est spectantes, haec interrogata respondent:







Nunc, ad necessitatem exprimendam exercitium facimus:






Continuo textus varios spectamus et legimus:



Nunc modum exprimendi sententiam, oppinionem ingreddimur:


Et discipulos rogo ut haec adiectiva in mala aut bona dividant:



Est tempus legendi epistulam aptatam Ciceronis et hoc modo exercemus modos exprimendi necessitatem. Ceterum causam iacit ut de Caesare et republica loquamur:



Postremo, nonnullas iuncturas eos doceo ut eis in epistulis et textibus scribendis uti possint:



Et memoramus:



Et haec omnia sunt hac septimana! Proxima septimana participium et tempus praeteritum discemus. Valete et curate ut valeatis!

domingo, 7 de mayo de 2017

Cōnsilia et prōposita

Salvete omnes! Hac septimana novum capitulum aggredimur. In eo novo capitulo de consiliis et propositis locuturi sumus. Itaque hunc textum spectamus et discipulos posco ut novas formas verbales vel periphrases quas vident scribant:




Si textum perspicimus periphrases verbales videre possumus sicut facturus es, paraturi sunt, ire puto, ire volo, fieri potest, manere malunt, acturi sunt, mansura sum, laborandum est, laborare debes, aperienda est, adesse non potest, eundum est, visuri sumus, videre possumus.
In praesentia discipulos posco ut periphrases quae desinunt in -urus, -a, -um explorent et eis explano quomodo haec periphrases futurum proximum exprimant et quomodo hoc tempus exstruatur. Haec periphrases ex thema supini exstruitur et supinus est postrema forma quae in enuntiatione verbi apparet:

Facio, feci, FACTUM

Ex thema supini subfixum -urus, -a, -um addimus et habemus id quod participium futuri appellamus:

FACT + -URUS: FACTURUS

Participio verbum 'esse' addimus et coniugationem periphrasticam futuri habemus:

FACTURUS/A SUM, ES, EST...



Continuo discipuli coniugatione periphrastica futuri utentes condiscipulos suos interrogant:



Denuo textum spectamus et alias periphrases animadvertimus:



Tandem facimus exercitium viva voce. Discipuli pariter inter se interrogantur. Quisque discipulus chartulam habet et quid facturus sit Aemilius interrogare debet:



Hoc modo discipulus A quid Aemilius facturus sit Veneris die a quinta hora vesperi scire volet et coniugatione periphrastica futuri utendo interrogabit: Quid Aemilius Veneris die a quinta hora vesperi facturus est? Et discipulus B respondebit: Aemilius Veneris die a quinta hora vesperi in thermis futurus est.
Discipulus B igitur interrogabit: Quid Aemilius Veneris die a decima hora ad secundam horam post meridiem facturus est? Et discipulus A respondebit: Aemilius Veneris die a decima hora ad secundam horam post meridiem in ludo/in Schola futurus est, o, in Scholam/ludum iturus est.
Et hactenus scholae huius septimanae. Proxima septimana discemus quomodo necessitatem exprimere possimus atque quomodo suggerere et monere possimus. Valete!!

domingo, 30 de abril de 2017

Adiectiva et pronomina demonstrativa

Salvete, sodales!! Iam denuo adsumus! Post ferias Paschales in scholas regredimur. Et in hac occasione adiectiva et pronomina demonstrativa discituri sumus. Primum hanc tabulam vidimus:



Et nunc hoc exercitium facimus:



Continuo eis praehebeo hoc exercitium:



Ut videtis, in hoc exercitio cum pronominibus ego, tu, nos, vos, is et ea laboramus, sed tantum in casu accusativo. Hoc modo hanc tabulam videmus:



Finem pronominum facimus et videmus quomodo scopum exprimere possimus:






Et tandem numeros a centum ad mille discimus:



Et cum numeris capitulum finimus, nunc, ut semper in capituli fine facimus, discipuli exercitia in ludo interretiali faciunt. His exercitiis id quod didicerunt firmant et corroborant:




Ex difficultatibus in usu linguae quas discipuli habent, maxima est usus lexici. Hic exercitia lexici vobis praehebeo quae discipulis alio modo auxilium dare possunt ut lexicum firmant et corroborent. In hoc loco lexicum domus et ludi laboramus:



Et haec omnia sunt hac septimana, septimana ineunte pergemus discere linguam latinam et in illo tempore  discemus quomodo consilia et proposita exprimere possimus. Valete et in posterum!